The Exceptional Squad

G Ko te rā tuatahi o te kura mō Mānaia rāua ko Kahu, e hīkaka ana a Mānia ki te whakaatu atu i ōnā pūkenga kanikani ki te Kapa Kage. Engari, ka aha ia ka ākina ana ia ki te whiriwhiri i waenga i te rōpū kanikani me tana whānau?

G Ko te rā kaipara o te kura. Heoi, nā runga i ngā wheako o mua, kua horokukū a Kahu ki te kuhu ki ngā mahi. Nā whai anō e hiahia ana ia ki te karo i ngā mahi. Engari ka aha ia ka whara ana a Mānia, ā, tē taea e ia te kuhu ki ngā mahi?

G Kei te hanga manu aute a Aunty B rāua ko Kahu mā te kōhanga reo. Ko te tikanga ia, kei te āwhina hoki a Mānia, engari kei te aro rāua ko Kirsten ki tētahi whakataetae kanikani ā-ipurangi. Ka aha a Mānia i te ngarohanga o tana ahokore, i te uinga hoki ōna e Kahu mō āna whakaarotau?

G Ka whakapeto ngoi a Mānia ki te whakarata i te Kapa Kage. Ka tae a Aunty B ki te kura e mau ana i te karauna nā Mānia me Kahu i hanga i te kōhanga. Whakamā ake nei a Mānia, ā hei tāna, mā tēnā ka heke tōna pakō. Ka pēhea a Aunty B ka whakapātarihia ana ia e Mānia?

G Kei te tū ngā uiui mātua. Kei te hōrapa haere ngā kōhimuhimu i a Kirsten e rata ana a Mr Lewis ki a Aunty B. He mōrikarika tērā ki a Mānia, nō reira kei te kaha ake ia ki te whakawehe i a rāua tahi. Engari he aha tā Mr Lewis pātai ki a Aunty B?

G Kua tae mai te rā aromatawai hītori. Rangirua ana a Kahu mēnā rānei ka puta tōna ihu. Kua tonoa ia kia noho atu whai muri i te karaehe kia kohia ngā aromatawai, ā, kua toko ake he whakaaro. Engari ka aha a Kahu, he aha hoki te utu ka puta ake?

G Ko te whakaari ā-kura kei te haere ake. E whakapae ana a Mānia ko ia hei kaiwhakaari matua, inā ko Aunty B te ringatohu o te whakaari. Engari ka kore ana e riro i a ia, a ka whakatau a Mānia kia kaua ia ia e kanikani anō, ka aro kē ki te mahi waiata. Ka aha kē rā ia ka taka ana te māramatanga i a ia?

G Kua puta ngā purutaringa hou; ko ngā Taringa 3000, me te mea, kei te katoa, hāunga a Kahu. Ka ākina a Aunty B e ia ki te hoko ētahi māna, ahakoa te utu. Ka whakaohorere a Aunty B i a Kahu me ngā purutaringa, engari ehara i te Taringa 3000. Ka aha ka porowhiu ana a Kahu ngā purutaringa nā Aunty B i hoko?

G Ko te wā tina, ā, kei te whiu a Kirsten i a Mānia nā te haunga o tana kai. Engari ehara i a Mānia te kai haunga, ā, ka haere ki te kimi nā wai. Ka kitea, nā Maiuli kē, tētahi o te Kapa Kage. Ka inoi a Maiuli kia kore ia e mea atu ki a Kirsten. Ka ahatia ina ka whakamātau pokerehūtia te kai e Mānia?

G Ko te huringa tau o Aunty B! E hiahia ana a Mānia rāua ko Kahu kia tino maharatia tēnei huritau. Engari kāore a Aunty B i te rongo i te wairua ngahau. Ko tō Mānia me Kahu manako nui kia hīkina tana wairua mā te tunu keke. Engari ka ahatia kia huri ana hei 'whakamātau pūtaiao'?