Top Shows

Te Karere

Weekdays at 4pm | TV ONE

Wednesday 23 March 2011


Govt funding for Maori initiatives could change for Christchurch
Kei taka etahi o nga kaupapa Maori a te kawanatanga kei raro i te toki o te tapahi putea. Koira te ia o nga korero a te Pirimia i te ra nei engari ahakoa te aha ka noho tonu Te Minita a Taria ki taana i whakatau ai mo Whanau Ora.

Fleet to support East Coast protests against oil speculation
Hei te raa tapu e tuu mai nei ka tere atu tetahi tira waka moana ki nga wai maareparepa o Te Tai Rawhiti, ki te tautoko i te porotuu a nga iwi o reira e pa ana ki te maataitanga o to ratou papa moana mo te koohinu.

The Maori Party and Hone Harawira need to move on
Kei te tino awangawanga tetahi kaumatua no roto o Ngapuhi ki nga taupatupatu e rere ana ki waenganui i Te Roopu Torangapu Maori me Hone Harawira mo Te Pire Takutai Moana.

Maori Party return taonga to Kaipara and Auckland iwi
Kua whakahokia te taonga i tukua atu ai e nga iwi o nga rohe o Te Kaipara me Tamaki Makaurau ki Te Roopu Torangapu Maori mo to ratou tau tuatahi i roto i Te Whare Paremata.

Maori Board continue push for engagement with Auckland plan
He aha ra te tirohanga whanui mo te whaitua nui o Tamaki Makaurau a nga ra kei mua i te aroaro. Koira te pakirehua matua i ata wanangahia i roto i te hui a te Kahika a Len Brown i te ra nei. Puuratarata ana te kitea atu, ka apiapi tonu ake te noho a te marea ki tenei rohe, na reira, ko tetahi whakaaro, me hanga huarahi hou e ngawari ake te rere i te tii ki te taa.

Labour's Parekura Horomia joins us live
ina te inati o nga kaupapa hei ata korero ma maua ko te tangata e mahuta ake nei i te pae o Te Upoko o te Ika, Parekura Horomia, mangai take Maori o Reipa.

Rotorua businesses sick of youth violence in their streets
Kua hoohaa rawa atu te hunga pakihi o Rotorua i nga maapu taiohi o taua takiwa e whakaroopu ana ki te whawhai i waho mai i nga toa hokohoko. Hei taa te hunga pakihi nei, he whakamataku, he whakatuatea, he whakaehu i nga taangata e hikoi noa ana i nga huarahi, taa ratou mahi.

TKKM o Hoani Waititi strive to return Maori treasures
Ko to ngakau ki nga taonga tukuiho hei tikitiki mo to mahunga. Koinei eetahi o nga korero a ta apirana ngata hei akiaki i nga rangatira mo apopo. Koinei hoki nga tikanga e whaiahia ana e Te Kura Kaupapa Maori o Hoani Waititi Marae.


Advertisement



Advertisement

Advertisement