Top Shows

Te Karere

Weekdays at 4pm | TV ONE

Tuesday 30 November 2010


Te Rarawa supports calls for ban on tourism ventures on the Ahipara beach
Kei te tautoko te toihau o Te Runanga o Te Rarawa i te tohe a tetahi roopu Maori, kia aukatihia atu nga umanga mahi tapoi o Ahipara i te huarahi matua ki te moana.  E ai ki te roopu kaitiaki o Te Kohanga, e tuwhera ana te huarahi ki te hapori whanui, engari ano nga umanga mahi moni.

Another fire suspends Pike River Mine recovery
He ra ano e noho iho ai nga whanau o Mawhera i te matakerekere i te korenga o ratou e ata mohio iho, hei ahea whakahokia ai nga tupapaku o o ratou uri ki a ratou. Heoi, tera etahi te whakaae atu, e kore rawa pea aua tupapaku e hahua ake i te koopu o Papatuanuku.

Truck driver in Manurewa Marae incident to be sentenced in January
Hei te marama o Kohitaatea a tera tau, puta mai ai he whakatau e pa ana ki a Deon Williams. Ko ia te kaihautu i te taraka i ngahoro iho ai tetahi whare i Manurewa Marae i tera tau. Tokowha nga taangata i whara, a, tokorua o ratou i mate. No nanahi tonu nei ka puta te korero e kii ana, i roto te whakapoauau 'P' i te toto o Williams i te waa o te aituaa nei. 

Ngai Tahu rejects Takutai Moana Bill at Christchurch hearing
Ngouruuru ana te iwi Maori i tae atu ki te hui a te komiti whiriwhiri i Te Pire Takutai Moana i tuu ki Otautahi. Engari i reira Te Runanga o Ngai Tahu e kokiri ana i nga whakahe a o ratou uri e pa ana ki te pire nei, tae atu ra hoki ki etahi Pakeha e whakatakoto awangawanga ana.

We discuss current issues with the Maori Party's Te Ururoa Flavell
Hei whakapuaki mai i ona whakaaro ki nga take torangapu o te wa, ka korero matou ki a Te Ururoa Flavell, mangai o Te Ropu Torangapu Maori mo te Waiariki.

Whanau Ora office opens in Opotiki
I Opotiki, kua whakarewahia ake e Te Minita Tuarua i nga Take Hauora e Tariana Turia te kaupapa Whanau Ora tuatahi kia tuu ki te ra whiti o te Waiariki i raro i te maru kaitiaki o Te Uepu o Te Ao Hou, e wha nga iwi, e whitu mano ngaa taangata noho kainga o taua takiwa ka whai hua.  

Iwi concerned for waahi tapu with road construction in Kapiti
Hangaia ta koutou huarahi matua engari kaua e tukino i nga waahi tapu me nga puna wai i whakarerea iho ai e nga maatua tupuna ki nga uri whakaheke. Koira taa te iwi o Takamore me Te Atiawa ki Whakarongotai, i te kaupapa hanga huarahi a Te Waka Kotahi o Aotearoa ki roto i to ratau rohe. 

Taking the pain out of muscle gain
Kia kaua e uaua te mahi whai uaua. Koira te pepeha a tetahi umanga Maori e awhina ana i te hunga whakapuuioio tinana.

Coach says Gear should've been on tour earlier
I te raa nei i tau mai ano ai etahi o Te Kapa O-Pango ki te ukaipo, whai muri iho i ta ratou whakaoti kaupapa haaro ki roto o uropi. Hei taa Steve Hansen, tetahi o nga kaiako i Te Kapa O-Pango, i hee ke pea taa ratou whakarere atu i a Hosea Gear i te kapa, i te timatanga o tenei tau.


Advertisement



Advertisement

Advertisement