Top Shows

Te Karere

Weekdays at 4pm | TV ONE

Thursday 23 September 2010


Crowds pay their respects to Sir Archie Taiaroa
He moenga tee au, he moenga tee rea, he moenga tee whakaarahia. Kua timata te karamuimui atu o te tokopae ki Taumarunui, i runga i te rukupopo o te ngakau ki a Taa Archie Taiaroa kua hinga nei. I te marae o Ngapuwaiwaha, i te rohe o Taumarunui a Joe Glen i te rangi nei.

National & Labour go head to head for Mana seat
Ahakoa no Reipa te turu i tenei wa, kei te whakapau kaha a Nahinara kia riro i a ratou. I te rohe pooti o Mana i Te Whanganui a Tara i te ra nei, nga kaiwhakataetae i taua turu e whakapoapoa ana, e eneene ana i te hunga pooti.

We discuss current political issues with National's Hekia Parata.
Ka korero matou ki a Hekia Parata, Mangai Take Maori o Nahinara.

More volunteers needed to save 25 surviving whales in the Far North
Tata ki te 100 nga kaimahi a Te Papa Atawahi me nga taangata ngakau nui o te hapori, i whakapeto ngoi ki te whakaora i nga tohoraa 75 i pae ki uta i te onekiri o Kapowairua i te raki o Te Tai Tokerau inanahi. Neke atu i te 5km o taua onekiri i kapi ake i nga tupapaku o nga tohora nei i te ra nei. Heoi, ma te aha i te 25 o ratou kei te ora tonu.

Rawhiti Ihaka and Sir Turi Kara sections begin at Manu Korero nationals
Ki te whakataetae Manu Korero o te Motu ma nga kura tuarua inaianei. No te rangi nei i whakahaerehia ai nga tauwhainga Rawhiti Ihaka me Ta Turi Kara.

Urewera camp against 1080 drop taken down
Kua roa tetahi roopu e whakahe ana i te ruiruitanga o te taaoke 1080 e Te Tari o Te Papa Atawhai ki runga i te ngahere o Te Urewera, heoi, no nanahi nei na i turakina ai te whare o taua roopu i Ngaputahi e Te Kaunihera a Rohe o Whakatane me nga pirihimana.

Discussions on indigenous drug and alcohol abuse held in Auckland today
Ma te mahi tahi a nga roopu o te hapori ka mate te taimiri P. Koira te whakaaro i toko ake ai i te hui haukoti i te waipiro me te whakapooauau i Tamaki Makaurau i te rangi nei.

Taranaki Maori health collective Tui Ora wins Whanau Ora funding
Kua whai putea tetahi whare hauora Maori i Te Manatu Hauora e ahei ai ratou ki te whakarite mahere rautaki mo te kaupapa Whanau Ora. Ko te ao auahatanga te roopu e korerotia nei, he pekanga no Te Whare Hauora o Tui Ora. Ko taa ratou whainga, he whakarite tauira rautaki e hangai ana ki te kaupapa Whanau Ora a te kawanatanga, hei whaiwhai atu ma te rohe whanui o Taranaki. E toru tau te roa hei whakaoti i te rautaki nei, a, ko tetahi mahi nui he kohi ake i nga whakaaro o te hapori.

Maori fashion label Kahu Kura will walk the catwalk at NZ Fashion Week
Torutoru noa iho nga kaiwhatu kakahu Maori kua whai wahi atu ki te kaupapa whakatairanga kakahu o Aotearoa, ara, ki a Fashion Week. Heoi, ko Whiri te ingoa o tetahi o ratou, no te rohe o taranaki, a, ko nga tohu Maori kei runga i oona kakahu, e hangai ke ana ki nga ia o te wa.


Advertisement



Advertisement

Advertisement