Top Shows

Te Karere

Weekdays at 4pm | TV ONE

Te Umutaoroa - e Kotahi ai a Tuhoe?


I raro i te ringa tohu o Wira Gardiner, kua tohua hei kaiwhiriwhiri i waenga i nga roopu o Te Umutaoroa me Te Kotahi a Tuhoe. Ahakoa i hikia te hui i haere tonu nga korero ki waenga i a ia me nga maangai o te roopu o Te Umutaoroa

Hei ta Robert Pouwhare o Te Umutaoroa, 'ko te whain(g)a nui kia hoki mai nga whenua, nga rawa kia Ngai Tuhoe, engari me tika tonu te manaaki me tika tonu te tiaki'.

E ai ki a Tama Nikora, o Te Umutaoroa, 'Te rapa i te hono koira te kaupapa heoi ano he whakaaro ke to te kawanatanga he whakaaro ke kei ko,he whakaaro ke kei ko,engari e ki ana ahau,tikina ki te heaha te hiahia,kia whakaritea ana te whawha noa atu nga waahi hei whakatikatika'.   

Ko te wero ke ki te karauna...

Hei ta Robert Pouwhare, 'Aa kia ata tirohia tenei kaupapa e ratau kia marama ratau i nga kaupapa a Te Umutaoroa, me tika tonu te tau i nga kaupapa i waenganui i a Ngai tuhoe me te Karauna'. 

E mea ana a Tama Nikora, 'Hei whakahuihui i a matau,ia matau kaua e penei ko te umutaoroa anake,ko te umutaoroa anake ko te kotahi a tuhoe ko wai atu kia huihui, aa, kia awatea te mahi, kia awatea nga korero'.

A te ahiahi nei, ka hui tahi a Wira Gardiner me nga mangai korero o Te Kotahi a Tuhoe, engari ko tera tonu e whakaarohia ana, kia haere i runga i te ngakau marie tenei kaupapa, kia tau ano hoki te aio ki roto o Tuhoe.

Hei ta Robert Pouwhare ano, 'Me wetewete e tatau o tatau whakaaro kikino me wetewete o tatau wairua kino me tuwhera o tatau ngakau ki te waahi pai ki te waahi tika hei aha hei painga hoki mo nga whakatupuranga e haere ake ana.

Ko te manako nui kia tutukia enei wawata


Advertisement



Advertisement

Advertisement