Top Shows

Te Karere

Weekdays at 4pm | TV ONE

Te Roopu Arotake i Te Ture Takutai


Motupohue, te waahi i rongonui ai mo te momona o ngaa tio, otiraa ngaa kaimoana huhua noa. Ko te mahinga hii ika te oranga mo te nuinga o te iwi kainga.

Na reira, he tika kia tiimata te hiikoi a te roopu e arotake ana i te Ture Takutai Moana ki Te Rau Aroha Marae.

Ko te korero a te Heamana of te Roopu Arotake a Eddie Durie, "There was a time when the seabed and the foreshore belonged to the Maori people."

Hei ta Rakihia Tau, o Ngati Tuahuriri, Ngati Mamoe, me Waitaha, "Ko te hapu kei konei ko Rakiamo. Na matou uri o Rakiamo e pupuri ai te mana o te whenua, te mana o nga motu tiitii, me te moana."

E rua wiki anake kua tukuna ma te Roopu Arotake ki te kohi whakaaro. Hei te paunga o Hune, ka haria nga kitenga ki te Kawanatanga, engari kaare ia e herea ana ki ngaa whakatau. 

Hei ta Edward Ellison o Ngai Tahu, "Mo tatou nei wawata mo te Paati Nahinara, he hapai i tenei take, hei whakatu te mana, te rangatiratanga o tatou i roto i tenei kaupapa."

No te tiimatanga o teenei marama, i tuuwhera ai te waa mo te kohi tiitii, no reira e ngaro ana eetahi o ngaa whaanau i teenei raa. Otiraa, he tohu teena o te mana taketake o te iwi kainga ki te moana.

Hei ta Edward Ellison ano, "Ko tatou nei hitori e pa ana ki to tatou nei rohe, me nga mahi kai, me to tatou tauranga waka, me nga mahi i te taha tai moana. He kaupapa nui."

E rima tau kua hipa, engari kei te tonu te riri ki Motupohue nei.

Taihoa te kitea mena ka tinihia e Naahinara, taa Reipa i mana ai.


Advertisement



Advertisement

Advertisement