Top Shows

Te Karere

Weekdays at 4pm | TV ONE

NOV 24 - Pire Ahuarangi


NOV 24 - Pire Ahuarangi

Kaatahi anoo ngaa taupatupatu mo te pire aahuarangi ka tiimata ki roo paaremata, aa, e tino tetee ana ngaa niho o ngaa roopu kakari ki te roopu toorangapuu maori.

E karawhiua ana te paati maori e ngaa aakina o te waa.

Tuuturu, kei te matekiri a Phil Goff.

Phil Goff: "The dirty deal that the Maori party has done that goes totally against the legal advice to the crown, might be good for a few members of the elite of Maoridom, it'll be bad for ordinary Maori."

Otiraa, hei taa raahui kaatene kua whai reo te maori i roto i ngaa take aahuarangi, inaa hoki, kua whakaae te kaawanatanga kia whakatokatia he waahanga tiriti ki roto i te ture hou.

Heoi anoo, ko te paatai ia, he aha te painga o teetahi waahanga tiriti mena he nama nui te otinga maa ngaa uri whakaheke.

Phil Goff: "It'll be bad for ordinary Maori, bad for Maori taxpayers, bad for Maori kids who're going to have to pick up that tab of $110 million dollars that will be a burden on their future."

Raahui Katene: "I actually find it quite amusing because labour's scheme is not Maori friendly at all...themselves."

Otiraa, kua hoki a goff ki teera o ngaa koorero, me kotahi te ture mo te katoa.

No te ata nei i hui ngaatahi ai te minita a Nick Smith ki teena roopu, ki teena, kia whakaamaarama i ngaa koorero mo te tiriti i roto i te ture hou.  Hei te waa ka whaarikihia e te paati Maori te waahanga tiriti ki roo paaremata, kaatahi maatau ka moohio mena he painga o roto.


Advertisement



Advertisement

Advertisement