Top Shows

Te Karere

Weekdays at 4pm | TV ONE

Monday 4 April 2011


Rotorua woman killed in fire, five others with severe burns
Kotahi te wahine kua mate, tokorima o te whanau kua haria ki te hohipera mo te kino o te weranga o o ratou tinana, whai muri iho i te paunga o to ratou whare i a Hine Mahuika i Rotorua inapo. Hei ta Te Ratonga Patu Ahi, ko te raru nui ke, kaore he puoho auahi i roto i taua whare.

Auckland Maori Statutory Board accepts government's funding allocation
Tata ki te kotahi miriona taara te rahi o te putea kua whakaritea e Te Kaunihera Matua o Tamaki Makaurau ma to ratou Uepu Tohutohu Maori. He whakaritenga tenei i ata arotakehia i roto i te hui a Te Uepu Maori i te rangi nei.

Who will replace Darren Hughes?
Ae ranei ka waere ake te ara ki a Louisa Wall e hoki atu ano ai ia ki Te Whare Paaremata - tokorima nga taangata kei runga ake i a Wall i te rarangi o Reipa, engari, e ai ki nga korero, kaore ratou i te hiahia ki te piki ki te turanga i whakarerea ai e Darren Hughes.

Harawira's competition to name his new party
Kei te whakahaere whakataetae a Hone Harawira ki te kimi ingoa mo tona roopu torangapu hou. Me maatua kii atu te mangai motuhake nei ki Te Whare Paremaata, mena kei te whakatuu roopu torangapu hou ia, i mua i te paunga o tenei marama.

Ngati Koroki Kahukura fight for public access to Maungatautari reserve
Kua tae atu te tono a te iwi o Ngati Koroki Kahukura kia tuwhera tonu nga keeti ki te apure taupuhi taiao o Maungatautari, ki mua i Te Kooti Whenua Maori.

Waitakere Oranga Marae health support group
Ko te mate pukupuku tetahi mauiui e ngau kino ana i te iwi Maori, engari ko tetahi o nga parurenga o tenei mate, e whawhai ana ki te kaupare i tenei ahuatanga.

Hearing Week 2011 begins
Neke atu i te rua rau mano nga taangata o Aotearoa e turi ana, e tata ana ranei te turi. Koinei te wa whakatairanga i taua hunga, otira, te wa whakamataara hoki i te hapori, kia ata whai whakaaro atu ratou ki te marea taringa muu.

Calls for applications for Hawea Vercoe memorial grants
Kua puta te tono a Te Kaunihera a Rohe o Te Waiariki mo nga putea matapuna akoranga whakamaumahara ki a te Hawea Vercoe he kai kaunihera o mua.

Taylor's Warriors debut a success over the Sharks in Taupo
He takaro kua roa nei e tatarihia ana e elijah taylor i tona ekenga tuatahi mo te kapa Warriors. Ko te mea miharo i toa tana kapa i nga Mako o Cronulla ki Taupo inanahi.


Advertisement



Advertisement

Advertisement