Top Shows

Te Karere

Weekdays at 4pm | TV ONE

Monday 11 April 2011


Damien OConnor withdraws from Labour List saying too many gays and unions
Ka riro ranei ma Te Roopu Reipa ano Te Roopu Reipa e patu. Kua tangohia e Damien OConnor toona ingoa i Te Rarangi Ingoa o Reipa mo te kowhiringa pooti i tenei tau, hei taana, he tokomaha nga takaapui me nga mangai uniana kei runga i taua rarangi ingoa.

More controversy over oil speculation in the Raukumara basin
Kei tena tangata oona whakaaro, kei tena tangata oona whakaaro. Koira te whakautu a te toihau o Te Runanga o Te Whanau-a-Apanui, whai muri iho i te putanga mai o etahi panui te takiwa o Whangaparaoa e  whakaparahako ana i a Ta Wira Gardiner raua ko Hekia Parata. Hei ta wira gardiner, kua takahia tona mana e tona ake iwi, engari, hei ta addie waititi, kei te whakaatu noa ake te iwi kainga i to ratou mamae i te mahi a te umanga kohinu o Petrobrase i te takere o too ratou moana.

Independent MP for Te Tai Tokerau, Hone Harawira joins us live
Hei whakapuaki mai i ona whakaaro e pa ana ki nga take nui o te wa, kei toku taha a hone harawira, Mangai Motuhake mo te rohe pooti o Te Tai Tokerau.

The Masterchefs backside special with that gourmet meal?
Kei te mura o te ahi nga kaiwhakahaere i te hotaka Masterchef - mo te taanoanoa tikanga Maori, ara, mo te tuku tangata kia noho kia noho ki runga paparahua.  Hei Ta Ahorangi Ranginui Walker, he kino taua mahi ki a ia, he tauira hoki o te kuare o te ao pakeha.

Rights Commission warns Govt about Maori seats on local councils
Ki te kore nga kaunihera e whakaae ki te whakatuu tuuru Maori motuhake, ka haria taua take ki te kawanatanga. Koira te whakatau a te toihau o Te Kahui Tika Tangata, whai muri i te purongo arotake, na ratou ano i mahi, e paa ana ki nga turu Maori.

Dredging of Tauranga Harbour still strongly opposed
Kei te tino whakaheengia te hiahia o Te Waapu o Tauranga Moana ki te whakawhanui i te ara moana e uru mai ai nga kaipuke ki te waapu. He kaupapa tenei e whakatakotoria atu nei ki mua i te kooti taiao o Te Moana-a-Toi a nga ra e tu mai nei.

Breakers move on to the final round
Kei te ora tonu te kapa Breakers. I toa ratou ki te kapa Perth Wildcats, i nga rangi whakataa nei kia noho orite raua, tahi ki te tahi i roto i te tauwhaainga whiringa whaaiti e haere ake nei i waenganui i a raua. Kotahi ano te takaro e toe ana, me te aha, ko te toa ka koke, ko te paarurenga ka whiua ki te ahi.


Advertisement



Advertisement

Advertisement