Top Shows

Te Karere

Weekdays at 4pm | TV ONE

Kua kore he moni mo te Hui Taumata


Kei te poroa te putea awhina a te Kawanatanga i whakaritea ra ma te roopu i whakatuuria ai hei whakawhanake i nga kaupapa Maori.  Na te Kawanatanga o mua o Reipa, te uepu Hui Taumata i whakatuu. A, ko Taa Paul Reeves te tangata i tohua hei Toihau o taua uepu.

Engari, he roopu ohanga hou kua whakaturia e te Kawanatanga hou o Nahinara. A, e $9 miriona tana tahua putea mo te rua tau e tuu mai nei. E ai ki te Minita Take Maori, kaore ia mo te tautoko-a-putea i te uepu Hui Taumata.

I whakatuuria te roopu Hui Taumata ki te kimi huarahi e angitu ai te Maori i roto i ngaa mahi pakihi.

Kua raru tana roopu a Hui Taumata, inaa kua whakatuuria e te Minita Maori he roopu hou.  Aa, kaare ia mo te tautoko a-puutea tonu i te Hui Taumata, ahakoa oona taangata whai mana, peera i te Heamana a Taa Paul Reeves. 

Hei ta te Minita Take Maori o mua a Parekura Horomia, "Moohio atu au te kaha i roto i te Hui Taumata, te roopu i manaaki atu teera. I reira kee ngaa kaiwhakahaere o taatau te ao Maori. i reira kee ngaa kaiwhakahaere o te aahua umanga, Business Round Table me te kaiwhakahaere o nga Uniana. He aha ai kaare e whakaae ana teera aahua? He nui atu ngaa take i puta atu mai i taa raatau nohohanga. 

E 20 tau whai muri i te Hui Taumata tuatahi, i whakatuuria te Hui Taumata tuarua. Kaatahi i whai pakiaka a Hui Taumata hei roopu tuuturu kia kookiri kaupapa hei tuuhonohono i te Maori ki te ao pakihi.

$1 mirion noa iho aana puutea tautoko mai i te Kaawanatanga, ahakoa tonu he whai mana oona kaiwhakahaere, aa, e mahi ana raatau mo te kore utu.

Engari no te whakatuunga o teenei roopu hou, kaare he take mo te Hui Taumata. 

Hei ta Parekura Horomia ano, "Engari e whakaaro atu mo te Minita Maori e whai atu te tuuru o te kaiwhakahaere. Kaare e tika teena. Waiho atu ki a raatau hei rapu haere, hei mau haere. kei a te Minita Maori e tautoko atu

Tuuturu kei te tautoko atu te Minita Maori i teenei roopu, engari anoo mo te Hui Taumata.


Advertisement



Advertisement

Advertisement