Top Shows

Te Karere

Weekdays at 4pm | TV ONE

Hui mo te Takutai ki Rehua Marae


Te raa tuarua. Ko Rehua Marae te waahi huihui, mahana ana te whare, engari he maatao tonu te paa mai o Te Ture Takutai Moana ki ngaa Uri a Tahu Pootiki.

Hei ta James Daniels, o Te Runanga o Ngai Tahu ki Wairewa, "It would be appropriate for you, I believe, as the review panel to recommend a repeal."

Kaare e herea ana te Kaawantanga ki ngaa whakatau a kaiwhakawaa Eddie Durie maa, otiraa e ai ki teenei o taaua, ka whai hua tonu teenei arotake.

Hei ta Ranui Ngarimu, o Ngati Mutunga, "Ehara teenei i te moumou taima. A te waa, ka tipu aku mokopuna me peehea, me peehea mo raatau?"

Koinei te hua nui kua puta i te piringa a te Paati Maori ki a Naahinara. Ko te tuumanako ia, ki te kore te Kaawanatanga e whakakore i te ture, ka whawhai tonu te Paati Maori.

Hei ta Te marino Lenihan, o Tuahiwi, "Kaare e kore, i tipu ake te Paati Maori i teenei kaupapa. E whakaaro ana ahau ki te kore te Kaawanatanga e aro mai, ka kore te Paati Maori e moe."

Kotahi anake te tino amuamu kua puta mo ngaa whakaritenga o te arotake, he poto noa iho te waa kua tukuna maa ngaa kaikoorero ki te kohikohi whakaaro.

E ai ki a Hana O'Regan, o te Roopu Arotake, koinaa te mate o te maramataka toorangapuu, inaa me puta he whakautu mai i te Kaawanatanga a te paunga o te tau.

Hei ta Hana O'Regan ano, "It's not adequate, we respect that, however, we've been given this opportunity to have a window, all be it a small window, where we can potentially have some input into shaping what that process might be."

E ai ki a Te Marino Lenihan ano, "He kaupapa nui, me nui pea te waa ka noho whakariterite i te whakaaro kia tika te puta."

Otiraa, ko te taima te hoariri mo teenei roopu arotake.


Advertisement



Advertisement

Advertisement