Top Shows

Te Karere

Weekdays at 4pm | TV ONE

Friday 8 October 2010


Dad blames Mum for death of twins
I kuutere tonu atu nga patai ki a Chris Kahui i roto i te kooti i te ra nei, e pa ana ki te tukinotanga o aana mahanga, ara, o Chris raua ko Cru, me te aha, he maha nga whakapae i puta i a ia, na wai i mahi.

Maori Minister says TVNZ should sack Paul Henry
Hei ta te Minita i nga Take Maori a Pita Sharples, me pana Te Reo Tataki o Aotearoa i a Paul Henry, hei kaiwhakataki i te hotaka parakuihi. Hei taa te Minita, he kaikiri nga korero a Henry, aa, kaore i te tika kia noho tonu ia hei kanohi mo tetahi hotaka pouaka whakaata. Mo te roanga ake o enei korero - tahuri mai ki te hotaka Marae Investigates, a te 10 karaka a te ata o te Ratapu e tu mai nei.

Final day of campaigning for supercity hopefuls
Kotahi noa iho te ra e toe ana i mua i te katinga o nga poti-a-rohe,  a, i roto o Tamaki Makaurau, kei te kaumingomingo nga whakaaro, ko wai te tangata tika hei kahika i te kaunihera matua hou.  Ae ranei ko John Banks, ae ranei ko Len Brown?

Tauranga landmark carvings vandalised
Kua tukinotia he pou i te ara maa Mangorewa me Kaharoa ki Tauranga Moana. I te ahua nei he mea tukino ki te kani. He mea karakia enei pou e rua wiki ki muri e te iwi me te Kaunihera o Tauranga. Na Ngati Rangiwewehi me Ngai Tamarawaho i whakatuu. Kei te rangahaua tonutia te take nei e nga pirihimana o te rohe.

Stan Walker has great success at NZ Music Awards last night
No te uri o Ngai Te Rangi, no Stan Walker te maringanui i Te Po Whakamaanawa i nga Waiata o Aotearoa inapo. E wha nga tohu i riro ai i a ia, mo aana waiata i muurautia ai e te mano i tenei tau.

Maori Language Commission's Huia Te Reo symposium begins in Rotorua
I Rotorua i te rangi nei i timata mai ai te hui-a-tau mo te reo Maori e kiia nei ko Huia Te Reo. 

Maori Language Commission's Ruakere Hond joins us live
Hei whakapuaki mai i ona whakaaro e pa ana ki te hui a Te Taura Whiri i te Reo Maori - ko Ruakere Hond - tetahi o nga mangai o Te Taura Whiri.

Maori gods to stand guard over Eden Park
E wha nga pou whakarae ka tuu heteri mai ra ki Te Papa Takaro o Maungawhau. he mea whakairo nga pou whakarae nei i te rohe o Maataatua i Whakatane.

Harataunga Kohanga Reo hold Parents as First Teachers graduation
He whakahonore i nga tamariki nohinohi kua eke ki te toru tau te pakeke te ia o tetahi hui i whakahaeretia e nga kohanga reo o Harataunga ki roto o te Awakairangi i te ra nei. I haere atu ta matau karere a Joe Glen ki te matakitaki.

We talk sport with Tumamao Harawira
Kua takarure mai ano a Tumamao Harawira ki te wherawhera i nga take hakinakina o te wa.


Advertisement



Advertisement

Advertisement