Top Shows

Te Karere

Weekdays at 4pm | TV ONE

Friday 5 November 2010


George Baker's sentence is extended for attacks on prison inmate and guard
Kua whakaroatia ake te whakawhiu i runga i a George Baker, te tangata nana nei a Liam Ashley i kohuru.  Inaianei, ka 16 tau te roa o Baker ki roto i Te Whare Herehere o Paremoremo, mo te pupuri i tetahi mauhere, me te tukino i tetahi o nga kaitiaki mauhere.

Jury told too many 'what ifs' in the murder case of Murupara teen
No te rangi nei i whakatakotoria ai nga tapaetanga korero e whakahe ana i nga whakapae a te Karauna mo te kohurutanga o Jordan Herewini i Murupara i tera tau. Ko te whakapae, na Quentin Pukeroa, e 32 tau te pakeke no te Maapu Mangaruu, a Herewini i kohuru.

Popata brothers and co reoccupy Taipa land
E tutuu ana ano te puehu i Te Tai Tokerau i nga whakatumatuma a nga taitama Popata mo te mana whenua o Ngati Kahu. No te rangi nei ka whakahaeretia tetahi hikoi ki te taone o Kaitaia, he rohe kei waenganui puu i Te Rerenga-i-Wairua me Whangaarei, katahi te tira porotuu ka anga totika atu ki Taipa, otira, ki te waahi e tuu mai ra te whare waka pererua o taua rohe.

Three New Plymouth students receive Maori business award
Tokotoru nga tauira no Te Kura Kohine o Ngamotu kua whakanuia mo o ratou pukenga pakihi. Ko ratau nga toa o Te Tohu Kairangi i Te Hui Whakamaanawa Rangatahi Kaipakihi o Aotearoa.

School's pleas against proposed liquor outlet ignored
Ahakoa te kaha whakahee a Te Kura Tuatahi o To Te Ra i Rotorua, kua whakaae tonu Te Mana Tuku Raihana Waipiro kia tuu tetahi toa hoko waipiro, tata tonu ki te kura.

Wellington Maori school look forward to Guy Fawkes
Kei te hari koa nga kaipatu ahi i te matapae huarere mo te po nei, i te mea, ma te ua e mama ake ai a ratou mahi i te po tiripapaa o Guy Fawkes. I haere atu a Joe Glen ki tetahi kura Maori i Te Whanganui a Tara ki te kapo ake i o ratou whakaaro ki tenei ra.

Toi Whakaari launch book in celebration of 40 years
Hei whakanui i te 40 tau o Toi Whakaari, ara, o te kura whakaari i Te Whanganui-a-Tara, kua whakarewahia e ratau tetahi pukapuka e whakamahara atu ana i nga tau o te kura, mai i te oroko timatanga, mohoa nei.

We discuss sport with Hemana Waaka
Waa hakinakina e te iwi, me te tautohito o nga mahi whakapaaho hakinakina i te reo Maori, me Hemana Waaka.


Advertisement



Advertisement

Advertisement