Top Shows

Te Karere

Weekdays at 4pm | TV ONE

Friday 27 August 2010


Maori urged to stand in DHB elections
Neke atu i te 370 nga ingoa kua whiua atu ki te potae mo te hunga ka whakataetae ki roto i nga kowhiringa pooti tohu Uepu Hauora a Rohe, engari, he torutoru noa iho o era ingoa, he Maori.

One Plan for the management of natural resources in Manawatu
Kei te tautoko te iwi o Rangitane o Manawatu i nga tikanga tuku whakaae hou a to ratou Kaunihera a Rohe. Kua toru tau te Kaunihera o Horizons e hanga ana i enei tikanga, i roto i te mahere e kiia nei ko One Plan.

Lucas Ward to be buried with his favourite characters
E ai ki nga whakamarama, ka whakakakahutia te tupapaku o Lucas ki nga kakahu tohu i ana makau, ara, i a Spiderman me Buzz Lightyear. E watea ana tana tangihanga ki te katoa, engari, ko te whanau anake ka nehu i a ia.

The man found in an alleyway in Hamilton was Maori
Kua puta te whakatau a nga pirihimana o kirikiriroa he Maori te tangata i mate ki te Huarahi o Norris i Te Rapa inanahi. E 46 toona pakeke. Ahakoa kua marama nga pirihimana ko wai te tangata nei kua whakamohiotia atu e ratou toona whanau kei te pupuri tonu ratou i toona ingoa. Ahakoa i ngana nga maatanga hauora o te Ratonga Waka Turoro ki te whakaora i a ia, auare ake.

Daffodil Day to raise funds for cancer sufferers
Kotahi te ra motuhake ia tau e whakatairangatia ai nga taangata e rongo ana i te ngau o te taniwha kino nei, ara, o te mate pukupuku. Tokomaha nga kaituao i takahi i nga huarahi o te motu i te ra nei ki te hoko puaka kowhai hei tohu i tenei ra, a , tera tetahi o ratou, e mohio pu ana ki nga taumahatanga o tenei mate.

Duel Maori and English place names will help normalise te reo Maori
Hei taa Ngai Tahu, ma te whakamahi a Taiao Waitaha i nga ingoa waahi Maori me nga ingoa pakeha ki runga i aa ratou whaarangi ookawa, ka noho pumau te reo ki taua takiwa. I whakaae te katoa o nga mangai o Taiao Waitaha kia reo rua nga ingoa waahi.

Maori accountants discuss sustainability for future Maori economies
No te ra nei i timata ai te hui-a-tau a te hunga kaute Maori, i Te Kunenga ki Purehuroa, Te Papaioea. Ko te kaupapa i tenei tau, me pehea te pupuri me te whakatipu i nga kaupapa mahi putea hou ki roto i te ohanga Maori.
Increasing the number of Maori taking science and maths in Porirua high schools
Kei te kawea e etahi o nga whare wananga o te motu wa ratau kaupapa putaiao, kaupapa pukaha, me a ratou kaupapa ahupungao ki roto i nga hapori hei tirohanga ma nga kura tuarua. I haere atu matou ki ta ratau hui tuatahi i tu ki te riu o Porirua i te ra nei.

New award in memory of the Queen at Te Waka Toi Awards
Hei apopo whakarauika atu ai nga pukenga toi Maori ki Te Whanganui a Tara mo te hui whakawhiwhi i nga tohu toi Maori tiketike a Te Waka Toi. E waru katoa nga tohu hei whakamaanawa i te hunga kua roa nei e hapai ana i nga mahi toi.

Tumamao Harawira joins us to discuss sport
Ka korero matou ki a Tumamao Harawira mo nga mahi hakinakina.

Stan Walker promotes his new album From Inside Out
Tata ki te 200 nga taangata i whakatoopu atu ki tetehi toa hoko maha i Tamaki Makaurau ki te matakitaki i a Stan Walker. Katahi ano ia ka whakarewa ake i tana kopae hou From Inside Out, hei taana, moona me ona ano whakaaro hohonu te kopae nei.


Advertisement



Advertisement

Advertisement