Top Shows

Te Karere

Weekdays at 4pm | TV ONE

Friday 18 February 2011


We're live at Day 2 of Te Matatini o te Ra
Koia tenei ko te raa tuarua o te whakataetae kapa haka o Te Matatini o te Ra ki roto o te Turanganui aKiwa. Ko te kapa tuatahi i tu ki te mura o te ahi i te ata nei, ko Manawa Mai Tawhiti no te Papakanui-a-Maui. Hei aa ko ko ake nei tatou matakitaki ai i tetahi kaupapa motuhake mo ratou. Heoi, i te tuatahi me mokowhiti atu tatou inaianei ki a Maiki Sherman, kei te pa o Waiohika e tatari mai ana me nga whakamarama o te waa.

We are joined by Kahautu Maxwell of Opotiki Mai Tawhiti
Kei toku taha i tenei waa ko te kaiwhakaako, tetahi hoki o nga kaihaka no te kapa o Opotiki Mai Tawhiti o Te Whakatohea, Kaahautu Maxwell.

Haka exponent Timoti Karetu predicts finalists
I te wa i whakaraupapa mai ai i nga kapa mo ia puna o te whakataetae o Te Matatini o te Ra, ka toko ake te whakaaro i te whatumanawa o Te Karere, kia tahuri ake ki te maatanga haka nei, ki a Timoti Karetu, mei kore noa e tupono, ka puta a ia he whakapae tika, mo nga kapa ka eke ki te taumata i roto i ia puna. Anei ia me aana whakapae.

Nga Tumanako prepare for Te Matatini o te Ra
Koia tetahi o nga roopu rangatahi o Te Matatini, engari, ahakoa tera, ko te pae tawhiti e whaaia ana e nga tumanako, ko te keokeonga o te maunga. Mai ano i te timatanga mai o a ratou haratau mo Te Matatini, ka whakaahuangia haeretia e matou.

Te Kotahitanga of the South Island prepare for Te Matatini o te Ra
Kua roa nei te kapa o Te Kotahitanga e kawe ake ana i te maanuka kia takatuu ake ki te whakataetae o te motu. No tenei tau tonu ka whakanui ratou i to ratou huritau 40.

SUPER15 Super 15 kicks off
Hei te po nei, huataki ai te whakataetae tekau ma rima i te tukinga i waenganui i nga Hau Awhiowhio me nga Highlanders.


Advertisement



Advertisement

Advertisement