Top Shows

Te Karere

Weekdays at 4pm | TV ONE

Friday 01 October 2010


Labour leader says too many Maori women are unemployed
Ko te nuinga o te hunga kore mahi he waahine Maori. Koinei te korero a te tumuaki o Te Ropu Reipa ki te hui a tau a Nga Waahine Maori Toko i te Ora i Turanganui a Kiwa. Hei ta Phil Goff, he ngoikore te kawanatanga ki te whakatika i tenei tuu ahuatanga.

Nga Ruahine seek oil rights in their Treaty claim
Kei te whai te iwi o Ngaruahine i nga hua o te peniheeni i roto i ta ratou whakataunga Tiriti. Kei te takiwa o Taranaki etahi kaupapa hinu nui o Aotearoa - na, hei ta te iwi - kua roa ratou e aukatihia ana ki waho i aua mahi - ko te karanga tukuna ratou ki roto. I te pa o Maawhitiwhiti i Kaanihi - i te tonga o Taranaki i waitohungia ai he whakaaetanga i waenganui i a Ngaruahine me te Karauna.

Pare Hauraki sign agreement to advance Treaty claims
Kua tutuki tetahi mahi nui i waenganui i te Karauna me nga iwi o te Pare Hauraki hei whakatau i wa ratou tono Tiriti. Ko etahi o nga take e korerotia ana, ko te hokinga atu o nga whenua i raupatuhia e te Karauna - me nga maunga o Te Aroha raua ko Moehau. I waitohungia he whakaaetanga i te marae o Wharekawa i Kaiaua i te Pare Hauraki i te rangi nei.

How has the Samoa tsunami affected some Maori families?
He aha ia nei te utu o te taianiwhniwha i Hamoa ki te iwi Maori? Kotahi ra i muri mai i te huritau o te parekura nui nei i mau ake i Te Karere tetahi whanau no Aotearoa - he toto Hamoa, he toto Kahungunu e korero ana mo te tuku moni ki o ratou whanaunga kei nga moutere i muri i te tai aniwhniwha. I Upolu i te takiwa o Salamumu ta matou kaikawe korero a Kingi Kiriona i te rangi nei.

Mayor's wish for foreign woman to present taiaha to China challenged
Kei te pukuriri etahi taangata ki te hiahia o te koromatua o te taone o Rotorua ki te tuku atu i tetahi wahine no iwi ke - maana tetahi taiaha hei kawe atu ki te whenua o Haina - hei koha ma te koromatua o te taone o Nan-Jing.

Dawn ceremony held for new taonga in Aotea Square
He waha roa hou mo tetahi papa rongo nui i Tamaki Makaurau. I haere ake a Te Karere ki Te Tapawha o Aotea i te atatu nei mo te huranga o tetahi taonga kaamehameha.

We take a look at sport for this weekend
Huri ake ana ki te ao hakinakina mo nga raa whakataa nei - kaore he takaro nui aatu i tera o te whakataetae mo te taumata toa o te ao riiki ara te NRL - ko nga Tame Heihei o Poihaakena, ko nga Tarakona ranei o Irawara?

1930s film 42nd Street comes to NZ stages
Ko 42nd Street tetahi whakaari e whakatinana ana i tetahi kiriata mai i te tau 1933. I tutaki a Heta Gardiner ki nga kaiwhakaari Maori tokorua o te whakangahau nei.


Advertisement



Advertisement

Advertisement