7 Aug- Moe mai ra, Eru
He minita hahi, he kaiwhakaari, he kaikokiri i nga kaupapa mo te Tiriti o Waitangi. No te ata tonu nei, ka riro a Eru Potaka Dewes, no roto mai o Ngati Porou, Ngati Uepohatu me Te Whanau o Pokai, i te ringa hinamokimoki o aitua. E 70 tau tona pakeke, ka hinga nei. I te kainga o tona whanau i rotorua tana pouwaru me ana mokopuna i te rangi nei.
Mo te whanau pani kua mahue mai nei, e kore e warewaretia te ao i nohotia ai e ratau i te taha o to ratau koroua whakaruruhau.
Hei ta Kiri Dewes, te hoa rangatira o Eru, "He was staunch Maori, staunch Tino Rangatiratanga, staunch Ngati Porou Uepohatu. He wanted his children and his moko to inherit that legacy. He saw everything Maori as a taonga."
Hei ta Atutahi Potaka Dewes, he mokopuna a Eru, "He used to make me do these model walks up and down our walkway. He'd say 'No, no, no. Stand straight, shoulders back, head up, like this! Oh, sit down. Koro will show you. He would waddle up and down, turn, flick his head. I was like, oh Koro.
Hei ta Ngamoe Potaka Dewes, he mokopuna a Eru, "He was funny as. Like his humour."
He koroua me ona puukenga he maha atu ke. He whetu i roto o nga mahi o te ao pikitia, peera i Piano, Jubilee, Te Tangata Whai Rawa o Weneti.
Hei ta Kiri Potaka Dewes ano, "Yes, he was a great actor. He had many skills, many talents."
I te ahiahi o te Paraire ka whakahokia mai te tupapaku o Eru Potaka Dewes ki tenei o nga marae ki Mataikotare. A te ratapu e tu mai nei, ka ka mauria atu ai ki tona marae kainga ki Rauru ki roto o Ruatoria.
A te Mane, ka nehua ai ki te rua koiwi o ona matua tipuna.