Top Shows

Te Karere

Weekdays at 4pm | TV ONE

26 Jun- Tino Rangatiratanga, tinihanga ranei?


E kaha whakapono ana a Gerrard Otimi, kei aia te mana tuku rangatiratanga ki te whakatangata whenua i a rauaiwi kee. 

Hei ta Gerrard Otimi, "As a sovereign person myself, I don't come under the laws of the straw people. We are Tino Rangatiratanga, and we deal with it our way."

Engari he tirohanga anoo too te Kooti. E ai ki teetahi ture hou, me whai raihana ngaa kaitohutohu i ngaa manene. E toru ngaa haamene kua tau ki runga i a Otimi mo te tinihanga. 

Hei ta Amato Akarana Rewi, "This bloody court has no right to impinge upon Maori tikanga."

Tuuturu, kua taka te kapa ki te whaanuitanga o teenei raru. E hia mano ngaa manene no ngaa moutere e whakamomori ana kia noho tonu ki Aotearoa. Heoi, ki taa ngaa ngutu toorangapuu, kua maakinutia te hunga whai i te tino rangatiratanga.

Hei ta Kelvin Davis, o te Torangapu o Reipa, "Hanga poorangi ana too maatau ngai Maori aahua kia kite i ngaa taangata peenei ai, e meatia ana kei a raatau te mana o te ture. E hee ana teena, poorangi ana."

A, kaare a Hone Harawira mo te huna i oona whakaaro mo Gerrard Otimi, hei taana anoo me haamene a Otimi i a ia, araa noa atu aana tao kupu.

Kaare anoo teetahi kia whiua mo te kore mau raihana, kaare e kore e tautoko ana eetahi kia ngaua tuatahitia a Gerrard Otimi. 

 


Advertisement



Advertisement

Advertisement