Top Shows

Te Karere

Weekdays at 4pm | TV ONE

20 May -Te tautoko a nga iwi moutere


I whakamine atu nga Maangai no nga Moutere e noho nei ki nga hau e whaa o Tamaki Makaurau ki te hui ki te taha o Ngaati Whaatua, i raro i te tuanui o Tumutumu Whenua, ki te tautoko me te rapu huarahi e haangai ana ki te take nui o te kaunihera matua.

E ai ki a Ngarimu Blair o Ngati Whatua, "He hononga ano ta matou nga iwi o Tamaki Makaurau ki a ratou nga whanaunga o nga moutere hei tautoko hei awhi kia whawhai mo nga tuuru Maori ki roto i te Kaunihera hou.

Hei ta Bruce McCarthy, he Maangai Moutere, "The issues has been discussed at great length with all the Pacific boards and one thing was resounding and that was we are fully supportive of the Hikoi and we are also disappointed for Maori that the reccomendation has been thrown out where their seats are concerned."

E ai ki a Takutaki Wikiriwhi o Ngati Whatua, "He nui tenei kaupapa e korerotia ana e ratou mo tenei waahi katoa.  Ko tenei te mea, mooku ake, ko a ratou whiriwhiri i waenga i a ratou ano, horekau ratou e kite mai i a tatou te iwi Maori. Ehara i te mea e korero ana au mo tenei waahi anake, i tooku kite atu ko te motu katoa."

Ko te kaupapa matua o tenei hui ko nga tuuru Maori i roto i te Kaunihera Matua e kiia nei. Na reira, ko te patai pea a etahi, e aha ke ana nga iwi o nga moutere o te Moananui a Kiwa i roto i tenei hui?

Hei ta Bruce McCarthy ano, "A whole lot because if Maori don't get their seats, their say or their voice, neither will we. It's as plain as that. That's how we take this issue seriously."

Hei ta Takutai Wikiriwhi, "Kei konei tatou e noho ana. Pehea te noho o te tangata mena e noho wehewehe ana tatou. Tenei ta matou tu i konei, i roto i Orakei, Tamaki Makaurau."

Kotahi te kohao o te ngira e kuhuna ai te miro whero, te miro pango, me te miro ma.

Hei ta Ngarimu Blair, "I te mutunga o tenei hui i puta matou he iwi kotahi hei whawhai atu ki te hoariri, ko te Karauna."


Advertisement



Advertisement

Advertisement