Top Shows

Te Karere

Weekdays at 4pm | TV ONE

2 Jul- Nga tohutohu a te Uepu Arotake


169 nga whaarangi o te Purongo Takutai Moana a Te Komiti Arotake a te Karauna. Te hua kua taka mai te purongo, hei ta etahi o nga mangai Maori ki te Upoko o te Ika, ka whaiwaahi te motu ki te hanga i te pire hou.

Hei ta Sam Jackson, "Kare au mohio he aha te take i mahingia tena e Reipa nee i te wa e Kawanatanga ratau? I hee tena mahi nee. Na teena mahi kua timata te rangapu e ki ana te Maori Paati."

Hei ta Henare Kingi, "Tera pea ka tautoko te Kawanatanga te Roopu Naahinara ia ratau me ta ratau whakaaro, engari ki ahau nei, waiho enei korero aaku, ma te wa e titiro."

E wha nga huarahi, hei ta te Uepu na ratau tenei ripoata i tuhi hei whaainga ma te motu, mehemea kei te whakahoutia te Pire Takutai Moana;
1. waiho ma nga Kooti hei wherawhera.
2. waiho ma te iwi Maori me te Karauna,
3. waiho ma te motu whaanui.

Engari ko te mea kei te manakohia e ratau ko te whakatoopu o nga whakaaro o te Karauna, te iwi Maori me te motu whaanui.

Hei ta Matiu Rei, o Te Ati Awa, "Kia whiwhi ai hoki he whakataunga a-rohe, i te mea ka taea hoki e matau nga iwi, nga hapu ranei ki te noho tahi ki te Karauna ki te whakawhitiwhiti whakaaro, korero ranei, tera pea ka puta mai hoki nga hua o roto i nga takutai moana o te motu."

Hei ta te Uepu Arotake ano ko te timatanga noa iho tenei o te huarahi whakahou i te Pire Takutai Moana.


Advertisement



Advertisement

Advertisement