Top Shows

Te Karere

Weekdays at 4pm | TV ONE

17 Jul- Te Hui Taumata a Tuhoe


Neke atu i te 100 tau nga iwi o te motu e whawhai ana ki te Karauna kia ea aa ratou tono me aa ratou kokoraho i raro i te Tiriti o Waitangi. Kua tino totara waahi rua etahi iwi i roto i nga whawhai nei, me te aha, i etahi waa kua hakehakea te uri ki te uri, te hapu ki te hapu. Na whai ano pea te karanga a te Uepu Tiaki Rawa o Tuhoe kia whakarauika atu nga uri o Tuhoe ki taa ratou hui taumata tuatahi, ka tuu ki te marae o te Maungarongo i Ohope. Ko te kaupapa ia he rapu huarahi e taea ai e te iwi aana rawa te whakamahi hei painga mo te iwi me nga whakatipuranga o apopo.

Ko te huri i te tai ki te mirimiri i nga mamae whakatau kereme ki waenga i te iwi, ina kua tae mai te waa ki te titro whakamua.

Hei ta Tipene O'Regan, o Ngai Tahu, "We got to stop imitating, and start thinking for our selves and designing for ourselves."

Nga korero mai tenei tangata matatau ki nga piki me nga heke o te noho ki roto i te wairua pouri ki nga hee a te Karauna. Ki te kore, ka mahue te iwi ki muri.

Hei ta Tipene ano, "The plain fact of the matter is the western economy is not working. It's fallen over, and the eastern economy is not working, but there is a global reality out there and how do we adjust to it."

Ina ko te putea mai te CNI i hanahia i tera wiki tonu, aa me pehea te whakamahi

Hei ta Tiniwai  Te Whetu, o Ngai Tuhoe, "Ko tuhoe te mea i waimaria. I roto i a ratou te rawa nui katoa. He putea hei titiro whamua ai ki nga rautau kei mua i a tatou."

He whakatau kereme i kitea a Tuhoe e kawe ana i a Tuhoe ki te Kooti Teitei.

Hei ta Pepe McDougal, o Ngai Tuhoe, "Ko te mea whakakino i te tangata. Me koa ke tatou ki te korero ra, Te Kotahi a Tuhoe. Koira te wawata, ahakoa nga kurakuraku. Kia kaha te aroha ki a tatou.

Ahakoa kaare ano kia wariu te katoa o nga rawa a Tuhoe. Kei roto ke i nga taukumekume, ma tena, ma tena ano hei whakatau te wariu ki a ratou.

Hei ta Tamati Kruger, o Te Kotahi a Tuhoe, "E tono ana kia puta mai te ihi, te kaha o te tangata. Koira kee te whakamataku ki te tangata ki te para i te huarahi hou. Ki te noho i roto i te riri, kaare ma te ihi me te kaha te noho ki reira, engari ma te kaki maaro."

Tera ano te kii a Tipene he maha nga hapa ka whakakotiti i te haere whakamua, engari i te mutunga kaua e paopao noa, penei i te kuri e whaiwhai ana i te waka.

Tipene O'Regan - "The real challenge comes is when he catches the car what does he do with it."

Ina te wero mo te rua raa ka tau mai ki runga i enei upoko ohanga o Tuhoe hei whakaaro.


Advertisement



Advertisement

Advertisement