Top Shows

Te Karere

Weekdays at 4pm | TV ONE

11 May -He wahanga to te Maori


Mena ra koe kei Ruatoria i te Rawhiti, kei Kawhia ranei i te Uru, kei tetahi wahi pukepuke ke atu ranei, aa, e uaua nei te korero ma runga waea pukoro, tera pea, ko 2degrees te rongoa mou.

Hei ta Mana Forbes, no NZ Communications, "022, engari ki a matou he, au-tu-tu-ru. Tuturu Aotearoa.

I whakarewahia a 2degrees, te kamupene whakahaere waea tuatoru o Aotearoa, me tana kaupapa 022 i te ra nei.  He kaupapa e timataria ai te ata hoko atu a te marama o Akuhata, ki roto i nga toa e 2000 puta i te motu.

Engari, ko te iwi Maori, te iwi ka tino whai hua i nga mahi a 2degrees.  Ina hoki e 20% o te kamupene na te Roopu Kaitiaki o Hautaki.  Ko Hautaki te roopu i timataria hei tiaki i nga moni na te Kawanatanga i tuari ki te Maori, kia whai wahi ai ki nga mahi torotoro waea.

Atu i era painga, hei ta 2degrees, ko tetahi atu, ko te whakahekenga o nga utu, i te wa o te whakahekenga ohaoha.

Mike Reynolds, te Kaiwhakahaere Matua,"The economic environment makes for a better opportunity. People are looking for great value and frankly I don't think they're getting it today."

Bill Osborne, te Heamana, "We're building a network and that network enables true competition to occur. For that network to be part owned by Maori is special and unique to Maori."

Kaore i pera rawa te nui o te korero mai a 2degrees mo nga utu, kei tinihangatia ratou e te hoariri, ara, e Vodafone me Telecom.  A te Akuhata puta katoa mai ai nga korero.

Heoi, mo te taha ki a Hautaki, e $5 miriona nga moni Kawanatanga i whiwhi i a ratou, kia hokona ai he ia-rere waea hou mo te Maori.  Ko te mate, $14 miriona ke te utu mo te ia-rere.  No reira, i huri a Hautaki ki te whao i ana moni ki roto o 2degrees. Aa, inaianei, 20% o taua ia-rere, na ratou, otira na tatou, te Maori.


Advertisement



Advertisement

Advertisement