Top Shows

Contact Te Karere

Räpare 8 Hakihea 2011

Published: 6:18PM Thursday December 08, 2011

60 job losses in Northland
Ehara i te rongo pai mo tetahi hapori o Te Tai Tokerau i tenei wa o te Kirihimete. Neke atu i te 60 nga turanga mahi kua poroa i tetahi wahi tukatuka tio i Kaeo.

10th anniversary of Panmure RSA murders
Kei te ngau tonu te mamae i nga whanau o te tokotoru i kohurutia i Te Whare o Nga Morehu Hoia i Panmure. Tekau tau kua hipa i taua parekura kino, engari, hei taa tetahi o nga pouaru a Tai Hobson, kaore ano te taumahatanga kia mahea noa.

Papua New Guinea seek help
Kei te toro atu te ringa o nga iwi taketake o Papua New Guinea ki te iwi Maori kia awhinatia ratou ki te kimi putanga i te rawa koretanga. Ahakoa he piriona taara te uara o nga rawa kei roto i te whenua o Papua, kaore ano te iwi kainga o reira kia whai hua i aua rawa.

Maori exhibition at Paris museum before returning home
He whakatuuranga toanga Maori kua tae atu ki te pokapuu o Parii i Wiiwii, engari ko tona tino kaupapa ke, he whakahoki mai i nga toi moko whakamutunga i nga whare taonga o Wiiwii, ki te kainga.

Who is David Shearer?
Kei te tautoko Te Kahui Maori o Te Ropu Torangapu o Reipa i te tu a David Cunliffe raua ko Nanaia Mahuta. Koira te korero i puta i te heamana o taua uepu i te rangi nei. Heoi ko te patai a Te Karere - ko wai tana hoa kakari? Ko wai a David Shearer?

Aotea Square protestors back in court
E whakapaetia ana ka puta he whakatau mo nga kaiwhakataauteute ki Tamaki Makaurau hei te kotahi haora e haere ake nei. Ara meena raanei ka noho tonu raatau me haere raanei. I te kooti a rohe o Taamaki Makaurau maatau i te rangi nei e whakarongo ana ki nga koorero o te wa.

Elvis Teddy case back in court
I Te Kooti a Rohe o Tauranga Moana i rongohia ano te ahunga pehea o nga whakawa e hangai ana kia Elvis Teddy, i hamenehia mo te whakatutu waka i roto i nga mahi porotu kia aukatia nga hiahia a te kawanatanga mo te keri i nga moana o nga Raukumara ki te tai rawhiti, e te kamupene Petrobas mo te hinu te take.

Advertising