Top Shows

Contact Te Karere

Räpare 12 Paenga-whäwhä 12

Published: 11:46AM Thursday April 12, 2012

Family, friends and the NZ Army farewell Corporal Dougie Hughes
Kua poroporoakitia a hoia Dougie Hughes e tona whanau me te Ope Taua o Aotearoa. I tona marae, ara, i te Tarai o Rahiri i Mangakahia a ia e tiiraha ana i nga ra nei. Neke atu i te kotahi wiki kua hipa i tona matenga i te whenua o Afghanistan, a, he mea whakanui a ia me aana mahi i te ra nei. 

Beverly Adlam faces tax evasion claims
Ka whakaae a Beverly Adlam, ki etahi o nga whakapae kua uhia ki runga i a ia mo te karo taake. Koia te Kaipakihi Wahine o te Tau i nga wa o mua.

More mediation talks for AFFCO and their workers
Kei te tuu tonu te puehu i waenganui i te umanga patu miiti o AFFCO Talleys me ana kaimahi. Kua ono wiki nga kaimahi e tuuwatawatahia ana i o ratou waahi mahi me te aha ko nga whanau ke e tino tamia ana e te kore mahi kua paa. Ko Laurie Nankivell me ana tamariki tokowaru etahi e raru nui ana, engari, ehara i te mea ko ratou anake

NZRU reports $1.3million loss in RWC
Ahakoa nga hua me nga haumaauiui i puta i te whakataetae Ipu Whutuporo o te Ao, hei taa te Uepu, i tai timu tonu te putea a te Uepu Whutuporo o Aotearoa i te tau 2011.

Maori mother dissatisfied at Government's veto
Kei te whai tautoko tonu te pire utu maatua tiaki pepi, e kokirihia nei e te roopu Reipa, ahakoa te whakatau a te Kawanatanga ka turakina e ratou. Hei taa te Kawanatanga, kaore i a ratou te putea e ture ai taua pire, engari, hei taa nga ringa poipoi nohinohi, me kaua e arotahi nga whakaaro o te Kawanatanga ki te putea noa iho.

Panel selected to develop Maori economic strategy plan
Kua mutu te wa tapae whakaaro ki te paepae whakawhanake ohanga Maori e pa ana ki nga tikanga hei whakapai ake i te whai take me te whai hua o te ohanga Maori i roto o Aotearoa. Kei te kootihi o nga whakaaro i tapaetia, ko te matauranga.

Maori Shakespeare production to perform in London
Kua whakarewahia ake he kaupapa kohi putea hei awhina i nga ringaringa me nga waewae o te whakaari reo maori nei, o Toroihi raua ko Kahira, ki te rere ki Ranana ki te whakaatu i tenei whakaari a Rurutao ki nga iwi o reira. Hei te mutunga o tenei marama tuu atu ai nga mata whakaari Maori ki te aroaro o te whakaminenga i te whare tapere o Rurutao tonu, ara, i te Globe Theatre. Ka korero matou ki a Te Waihoroi Shortland, tetahi o nga kaiwhakaari.
 
10,000 expected at Breakers vs Wildcats first finals game
Tata ki te 10,000 tangata ka tae atu ki Vector Arena i Tamaki Makaurau hei te po nei, ki te matakitaki i te whiringa toa tuatahi i waenganui i te kapa Breakers me nga Perth Wildcats.

Advertising