Top Shows

Contact Te Karere

Rämere 6 Kohitätea 2012

Published: 5:31PM Friday January 06, 2012

Solo-mother seeks assistance from CYFS
Tera tetahi Mama, tokowha ana tamariki. Ko tetahi - ko tana tamaahine, tekau ma wha ona tau. Kua hia marama tenei Mama e kimi korero ana i te tari Tamaiti, Taiohi, Whanau hoki o te kawanatanga - engari hei tana, kua taka atu ana inoi me ana tangi ki runga taringa kohatu.

Tainui Waikato's organisational structure under the spotlight
Kei te tautoko tetahi o nga rangatira o Waikato Tainui i a Kingi Tuheitia me tana karanga - kia whakarereke, whakahou hoki te iwi i ona puunaha whakahaere, ropu whakahaere hoki. Koira te hunga kei te tiaki i nga rawa, neke atu i te whitu rau miriona taara te uara.

Bad weather predicated for Rena
Na te pai o nga huarere i Tauranga, i haere tonu ai nga mahi whakatika i te waka o rena i te rangi nei. He ahuatanga pai pea tera i runga i te mohio, e whakapaetia ana, ka kino rawa atu a tawhirimaatea aa enei ra whakata. Na whai ano, kei te whakahokia te waka hiki me te paawai ki uta. Ahakoa kei te marore te ahua o te waka - e ai ki nga whakamarama kei te pai tonu ia. Tata ki te iwa rau nga ipu kawe taputapu i runga tonu i te waka i te ata nei.

Police looking for leads in Williams case
Kei te tirotiro nga pirihimana i te raawhiti o te Paapaka nui a maui i tetahi rohe whenua mei kore e kitea e ratou. He korero - he aha ranei  hei aawhina i wa ratou mahi rangahau i nga take i koohurutia ai a Tony Williams. No te po i mua i te kirihimete i kitea ai te tupapaku o te uri no Ngai Te Rangi. E meatia ana, he mea patu tona maahunga me tona tinana ki te rakau.

Land dispute between local tribes and incorporation
E kore te whawhai a te iwi o Ngariki kaiputahi e mutu kia hoki mai nga whenua i murua e te karauna. Heoi ko te raru, hei ta ratou, kei te whai hoki tetahi umanga whenua nui i aua whenua.

Hone Kaa share his views on Politics
Kua hoki ano te ropu torangapu maori ki roto i te kawanatanga o nahinara. Ae ranei, kao ranei, ka whai hua a ratou kaitautoko i tera mahi a ratou? Koira te take tuatahi i korerotia e maua ko hone kaa - tetahi mangai rangatira, mangai a iwi hoki.

NZ Rodeo team full of Maori athletes
A te po nei ka tu he whakataetae nui i waenga i a Aotearoa me Ahitereiria. Kaua mo te whutuporo, engari he kakari eke puuru ke. Me te aha ko te katoa o te kapa no te wa kainga nei - he Maori.

Tuwharetoa Pa-wars
E hia mano taangata i whakakao atu ki te papatakaro o Turangi mo te haakinakina nui rawa o te tau hou a Ngati Tuwharetoa. Mo eetahi ko te whanaungatanga te mea nui, mo te nuinga - ko te wikitooria ke.

Advertising