Top Shows

Contact Te Karere

Rämere 23 Hakihea 2011

Published: 4:48PM Friday December 23, 2011

5.8 Earthquake in Christchurch
He ruu nui ano kua pa ki Otautahi ko te korero neke atu i te 5.8 te kaha o te ruu nei mo neke atu i te rua meneti. I tenei waa tino patata atu ki te kirimete i te hokohoko te nuinga mo a ratou kai perehana hoki mo te Kirihimete ka nuku nei te whenua i te rua karaka i te ahiahia nei i whakawateakatoahia nga toa i te taangata i mau hoki etahi e tarawa ana i o ratou waka.

Food or Presents?
Kei te pakaru haere nga pukoro o nga whanau Maori huri noa i te motu na te taumahatanga o te Kirihimete. Ko te hoko perehana, te hoko kai me era momo whakapaunga puutea te take e paroparo haere nei a putea.  E ai ki nga roopu hapori, ko te mea nui ke o te Kirihimete ko te whakawhanaungatanga, whaaia ko te hoko perehana. 

Reward offered for info on Turangi attack
Kei te tuku putea nga Pirihimana ki nga taangata he korero waa ratou e pa ana ki te kotiro e rima tau te pakeke i tino patua ra e tetahi nanakia i Turangi. Kei roto tonu te kotiro nei i te hohipera o Waikato. No Uropi te whanau o te kotiro, a, i haere nga matua ki te horoi kakahu i te wa e moe ana aa raua tamariki, engari, no te hokinga ake o te mama ki te waka tawhai, ka kitea tetahi nanakia i roto i te waka, a, korakora ana te haere a te mama ki te tiki i tana tane. Heoi, no te hokinga ake ano kua ngaro ke te tangata, engari, kua paopaohia keetia te mahunga me te kanohi o te kotiro.

Occupiers set to move to Victoria Park
Kua timata te hunga mautohe e noho ana ki te papa o Aotea i Tamaki Makaurau ki te pokai i aa ratou tueke. Ko te whakatau a te kooti, ki te upoko maro tonu taa ratou noho whakataauteute ki konei i tenei ahiahi nei, ka hamenehia ratou mo te noho poka noa ki runga i nga whenua o te Kaunihera o Tamaki Makaurau. Kua tata ki te toru marama te hunga nei e noho ana ki konei. Ko te whakatau a te Kaunihera, kia mutu taa ratou noho i tenei ahiahi, ki te kore, ka kawea ano te take nei ki mua i te aroaro o te kooti hei te rua tekau ma iwa o tenei marama, a, hei reira rawa whai mana ai nga pirihimana ki te mauhere i a ratou. E ai ki nga korero o te wa, ka hunuku atu te roopu whakataauteute nei ki te papa Rehia o Victoria inaianei, noho whakatumatuma tonu mai ai.

Mana Wahine
Ahakoa kei hea nga wahine Maori e noho ana i te ao, me tuu rangatira tonu ratou. Koira te whakahau a tetahi wahine toa no Ngati Porou. Kei Poipiripi a Kiri Dewes e noho ana, a, kua whakarewahia e ia tetahi roopu Mana Wahine i reira. Ko tana mahi he whangai i ona mohiotanga ki nga mea e hiahia ana ki te ako i nga tikanga a kui ma a koro ma.

Ngati Ranana's Christmas
Kei nga whenua o taawahi tonu, katahi ano a Ngati Ranana ka whakanui i te Kirihimete ki roto o Ingarangi, he hui i pooii atu ai nga uri Maori ki te waahi kotahi, ki te ngahau, ki te waiata, me te whakatairanga i nga kooingotanga mo te waa kainga.

Traffic Safety
Ko te wa o nga hararei raumati te wa kino o te tau mo nga hauata waka, engari, e whakapau kaha ana nga pirihimana ki te whakahuri i tera ahuatanga i tenei tau.

Ataarangi in Sydney
Kei te mau tonu Te Reo me nga tikanga i nga Maori kei Poihakena e noho ana. I haere atu a Rapaera Tawhai ki te ra whakamutunga mo nga tauira o te Ataarangi ki te kapo ake i o raatau whakaaro e pa ana ki nga mahi ako i te reo.

Award winning artists in Rotorua
He waahine katoa nga ringa toi kei tetahi whare hapori i rotorua. E ai ki te kaiwhakahaere i a ratou, a tanis short, he whakaaaturang raumati taa ratou, a, ko te putake o te whakaaturanga nei, he whakatenatena i te iwi whaanui kia mahi tahi me nga ringa toi ki te hanga toi.

Advertising