Te Wiki o Te Reo Māori – Māori Language Week
Kua eke ki te 25 tau mai i te wā i whakamanahia ai te reo Māori hei reo tūturu ki Aotearoa nei. Engari tē eke kē ai - ki te akitu - e tika ana. Nei rā te whakahau i maiangi mai i ngā mātanga reo i te whakarewatanga o Te Wiki o Te Reo Māori i Kirikiriroa i te rā nei. Ka kōrero hoki a Tīmoti Kāretu ki a mātou.
It's been 25 years since Maori became an official language of NZ but its status is still below what it should be. That's the call from language exponents during the launch of Māori Language Week in Hamilton today. We also chat to Māori language exponent, Timoti Karetu.
Pouakani to bid for injunction of Mighty River Power sale
Kei te āta titiro ngā uri whai pānga o Pouakani ki ngā whiringa ture ka taea hei haukoti i te hoko o Mighty River Power. Ko te kī taurangi mai a te Kāwanatanga, e kore rawa rātou e whakatū ture hou, hei ukui i te whai a ngā iwi Māori kia whakamanatia o rātou tika ki te wai, engari hūngeingei ana a Pouakani kua timata kē ngā mahi hoko hea, i mua mai i te whakatau a Te Rōpū Whakamana i te Tiriti e pā ana ki te wai.
The people of Pouakani are carefully considering options to strengthen their bid for an injunction to stop the sale of Mighty River Power. The people of Pouakani are considering legal options to strengthen their injunction against the sale of Mighty River Power. The Government says the sale should have little effect on the interests and rights of Māori to water. But Pouakani is angry the share sale is going ahead before a ruling from the Waitangi Tribunal.
Whangarei welcomes secondary kapa haka comps
Nā te iti rawa o ngā tīkiti i hoko mo te tauwhāinga ā-motu o ngā kapa haka kura tuarua, ka karo te haere a te maha o ngā kai-aruaru i taua kaupapa. Engari i Whāngārei ā mātou kāmera me tā mātou tangata, a Rapaera Tawhai i te rā nei, i te pōhiri ki ngā kaiwhakataetae.
Limited ticket sales for the national kapa haka competition for secondary schools in Whangarei, has cut the number of supporters who planned to attend the event. But our cameras and reporter Rapaera Tawhai were there for the pohiri to the teams taking part.
Council group takes waiata to city streets
Hei whakanui i Te Wiki o Te Reo Māori, i puta tētahi tira nō te Kaunihera o Tāmaki Makaurau ki te waiata i ngā waiata Māori i te pokapū o te taone. Ko te whainga, kia whānui te rangona o te reo Māori e te marea.
To celebrate Mori Language Week, the Auckland City Council sent out a group of its staff to sing Māori songs in the Auckland CBD. Their goal was to help spread the language and have it heard on the busy Auckland streets.
Not just for mum and dad investors, but for whānau
Me he $1,000 tāu, ka taea te hoko hea mo te umanga hiko o Mighty River Power. E mea ana te Pirimia, a John Key, ko te tūmanako ia, ka eke ngā kaiwhaipānga nō Aotearoa nei ki te 90%. Heoi anō, ka ea tōna āwhero i roto i ngā rā e takoto ake nei? Hei tā Hekia Parata hoki, ehara noa iho mā ngā mātua whaipānga, engari mō ngā whānau whānui hoki.
For $1000, you can become a shareholder of Mighty River Power. Prime Minister John Key says he expects 90% of investors to be New Zealanders. But will that happen? Hekia Parata also says shares aren’t just for mum and dad investors, but wider whanau investors.
Rena owners start-off series of hui with iwi
Kua timata te tūāoma a ngā māngai o te umanga Kariki, nō rātou te kaipuke Rena, ki te hui ki ngā mana o Te Moana a Toi, i raru i te paenga o taua kaipuke ki ngā toka o Otuaiti i te rohe o Tauranga. I te marae o Whareroa ki Mauao te hui tuatahi a ngā iwi.
The Greek owners of the container ship, Rena, are meeting with iwi of the Bay of Plenty to discuss the aftermath of the ship’s collision on the Astrolabe Reef, Tauranga. The first meeting was held at Whareroa Marae, Mauao.
Law sees cigarette signage up in smoke
He rā nui anō tēnei mō te Kāwanatanga me tōna hiahia ki te whakakore atu i te tūpeka i Aotearoa nei. Ko te kaupapa tuatahi i whakarewahia i te rangi nei, ko te whakakoretanga o ngā waitohu tūpeka. Koinei hoki te rā tuatahi i hunaia ai te tūpeka i roto i ngā toa.
A new law which came into effect today means retailers can no longer display tobacco products. The smokers we interviewed were supportive of the move, but there’s also a proposal to remove all branding from packaging.
Boat skipper in court over protesting action
Kei te whakawātia te kaipupuri waka i whakahēngia ai te hiahia kia taunahatia te papa moana o Raukumara i te Tairawhiti. E ai ki ngā whakapae, i ātete a Elvis Heremaia Teddy (44), i te wā i mauheretia ia e ngā pirihimana. A, nā te hautū mōrearea a Teddy i tētahi āpure whakarerenga, ka raru tētahi o ngā waka rūri o te umanga hinu o Petrobas. Ko te tikanga, e whā rā te roa o te whakawā i a Teddy i te kōti-a-rohe o Tauranga.
The trial has begun of a boat skipper involved in protest action against deep sea oil drilling in the Raukumara Basin. 44-year-old Elvis Heremaia Teddy is charged with resisting arrest, breaching an exclusion zone and using his vessel to cause unnecessary risk to a Petrobas survey ship. His trial is set down for four days in the Tauranga District Court.