Top Shows

Contact Te Karere

Räapa 28 Poutüterangi 2012

Published: 1:55PM Wednesday March 28, 2012

Police statements change in Tumarae case
Kotahi tau kua pahure i te pupuhitanga o Lachan Tumarae e nga pirihimana i waho ake i te urupa o Omahu i Heretaunga. Heoi, katahi tonu nei ka puta mai nga whakamarama mo tona matenga, a, tera te whakatau kaore nga pirihimana i whai i nga tikanga haumaru i mua i te pupuhitanga o te tama nei. Tuia ki tera, kei te patai ra etahi, e hia rawa nga mataa i uu ki te tinana o tumarae i tona pupuhitanga?

Maori happy to work with Chinese broadband company
Kei te karo te kaawanatanga i te heitara, tera a Aotearoa te noho whakaraerae noa i te mata whaanui o te ipurangi, ki te kore ratou e aukati i te mahi tahi a nga umanga nui o te ao.

Mining plans don't go down well in Northland
Kei te whakapaataritari nga mangai o nga runanga-a-iwi o te Taitokerau i te Kaunihera o te raki e pa ana ki taa ratou mahere keri kohuke. Hei ta Pita Tipene o Ngati Hine, me whai wahi nga iwi ki nga wahanga katoa o tenei take kia marama kehokeho ai ratou he aha te aha, he aha hoki nga paanga o tenei mahere ki a ratou. Engari, kei kona ano te hunga whakanano i aana korero.

Step forward for Auckland Ports and Maritime Union.
Kei te ahu whakamua te taukaikai i waenganui i te Wahapuu o Tamaki me te Uepu kaimahi moana ki whenua taurikura. Kua whakaae te wahapu ki te utu i nga kaimahi mo nga wiki i porotuu ai ratou. I korero matou ki tetahi o nga kaimahi i te ra nei, hei taana, ahakoa he ahunga tera ki te pai, ko te tino hiahia, kia hoki atu ki te mahi.

Specialist bike stolen from child with cerebral palsy
Kua rongo tatou i nga korero katoa mo te taahae paihikara, me te aha, ehara noa iho i te aha, engari, ka pehea raa o tatou ngakau, mena no tetahi tamaiti hauaa, tekau noa iho oona tau, te pahikara i taahaengia?

Kawerau's new suicide prevention strategy
E ai ki nga whanau na ratou nei te rautaki whakamomori a Kawerau i tuhi, ko tetahi o nga tauaraitanga nui - ko te ngakau horokukuu o nga tari kawanatanga ki te korero ki a ratou ano. I roto i te tekau ma waru marama, tekau ma rua nga tamariki o Kawerau i mate i oo ratou ano ringa, a, kaore te hapori i te hiahia kia haere tonu tera tuu-ahuatanga.

Mystics aren't leaving anything to chance
Ka timata te whakataetae ANZ Championship hei enei rangi whakataa, me te aha, kua hurua, kua rawe hoki te kapa northern Mystics me te hihiko o o ratou ngakau e rikarika ana ki te pakanga.

Update -n Takamore case
Katahi ano te korero e whai ake nei ka whati noa mai me he ngaru hou i te hone moana, kua whakaae te kooti matua ki te tono a te whanau o James Takamore kia werohia e ratou te whakatau a te kooti piira i hapai ake ra i te hiahia o te pouwaru a takamore kia hahua ake toona tupapaku i tona takotoranga i te rohe o te Waiariki.

Advertising