Top Shows

Contact Te Karere

Räapa 21 Hakihea 2011

Published: 5:27PM Wednesday December 21, 2011


Abusive parent gets seven and half years
Kua whiua te kokara no te uru o Tamaki Makaurau i whakairoiro ra i tana tamahine i a ia e iwa tau ana, ki te whitu me te haurua tau ki roo whare herehere. Kua uhia he tapu ki runga i te ingoa o te kokara e korerotia nei kia kore ai e mohiotia te ingoa o te tamahine. Hei taa kaiwhakawaa Gibson, katahi te take whakahaehae ngakau, tino tukino hoki ko tenei. Hei taana, ahakoa te kaha kooioio pea o te tamahine, ehara te patu me te tino tukino i a ia i te huarahi tika hei whai.

More charges for Rena crew
Ki te kooti o Tauranga moana inaianei, no te ra nei i tuu atu ano ai te urungi o te kaipuke Rena me tana tuarua ki mua i te kooti kia rongo ai raua i nga whakapae hou kua uhia atu nei ki runga i a raua. Wha tekau ma whitu tana te taumaha o te kaipuke rena, ka tuki ia ki nga toka i te akau o ota-iti i te ata o te tuarima o Whiringa-a- nuku. Ahakoa te hamene whakamorearea kua tau atu ki runga i a raua, he hamene ano i toko ake i te ra nei, mo te rawekeweke i nga tuhinga i roto i nga purongo whai mana o te kaipuke, i muri tata iho i te paenga o te kaipuke ki nga toka. Ka tuu ano raua ki mua i te kooti hei te marama o hui tangaru a tera tau.

No seafood on the Christmas table for Motiti residents
Heoi, i te ahua nei kaare he kaimoana hei maahora atu ma te hapori o mootiti-a-tara ki runga i nga tiimanga kirihimete, me te aha, he mea tino pouri tera ki a ratou.

Parliament officially opens
Ko te raa teenei e huakina tuuturutia ai te Whare Paaremata moo te tau - aa koinei hoki te raa whakamutunga hei whakatutuki ake i nga kaupapa ki roo whare. I whai reo te aapitihana ki te whakapataritari me te whakatumatuma, engari, na te Kaawana Tianara hou, na taa Jerry Matepaarae te koorero tuatahi

Nanaia highlights issues within Education
Hei whakapuaki mai i ona whakaaro e pa ana ki nga take torangapu o te wa, ka whakawhiti atu tatou inaianei ki a nanaia mahuta, mangai take matauranga o te roopu Reipa.

More people need Mission support for Christmas.
Ko te Kirihimete he ra hakoakoa, whakawhanaunga, engari ara te tokomaha kaore e whai wahi ki enei mea. I haere a Te Hemara Rauhihi ki te korero ki te roopu Mihana o Tamaki Makaurau ki te whai haere i a ratou mahi mo te ra o te kirihimete.

Christmas with Stan Walker
Hei whakatepe noa ake i Te Karere kei Poihakena to maatau tangata a Rapaera Tawhai e korero ahiahi ana ki te kaiwaiata rongonui Maori o reira, ara, ki a Stan Walker mo aana mahi whakanui i te Kirihimete, me nga piki me nga heke o tenei tau.

 

Advertising