Top Shows

Contact Te Karere

Monday 25 July 2011

Published: 5:40PM Monday July 25, 2011

Moana and the Tribe attend commemoration in Norway
Hei te po nei ka tu te tangata e whakapaetia nei mo nga parekura e rua i noowei, ki mua i te aroaro o te kooti. E iwa tekau ma toru nga taangata i mate i enei parekura nei, ko tetahi he taarukenga ki te pu, ko tera atu, he parekura ki te pahuu.

Kohanga file urgent application to Tribunal
Kei te taami tonu te kawanatanga i te tino rangatiratanga o te kohanga reo ki te whakahaere i a ia ano me ana kaupapa katoa. Koia te putaketanga mai o te tono ohorere i whakatakotoria ai e ratou ki te roopu whakamana i te tiriti, otira, o te hikoi hoki ki mua i te whare paaremata i te ra nei.

Kohanga Reo hikoi
I takea mai te pukuriri me te maniore o nga kohanga reo i hea? E ai ki etahi, kua roa Te Runanga Matua o nga Kohanga Reo e maaharahara ana ki nga whakahaere me nga hiahia o Te Tahuhu o te Matauranga mo ratou, a, i te ahua nei, na te putanga mai o tetahi purongo e aromatawai ana i te tuutohunga me nga mahi a te kohanga reo i tae ai te riri ki weriweri.

We talk with Mana Party Leader Hone Harawira
Ka korero atu tatou ki te tumuaki o Te Roopu Torangapu o Mana ki a Hone Harawira i to matou tari i Te Whanganui a Tara.

Winter chill will continue
Katoa katoa nga rohe o te motu kei te koomirihia e te ringa anu maatao o Hine Takurua. He maha nga huarahi kua katia i Te Waipounamu tae noa mai ki Te Puku o Te Ika a Maui na te matotorutanga mai o te puaheiri, a, kua raru hoki nga papa waka rererangi me nga hohipera i te korenga o nga takuta i tae ake ki te mahi. I te rohe o otautahi, kua whakakorengia te mahi a nga pahi tae atu ki apopo, a, kua raru hoki nga ia rere kawe reo. E ai ki te ratonga matapae huarere, e kore te huarere kino nei e hiki ake, tae noa ake ki te kakarauritanga o te po apopo. 

Kapa haka uniform factory
Mo nga tau rua tekau kua whatu kakahu kapa haka tetahi tangata Pakeha i tana wharau waka. Mai i nga kohungahunga o te kohanga reo, ki nga kura takawaenga, tae atu ra ki nga pakeke, kua whatu kakahu te tangata nei, me te mea nei, ko ia anake pea te kaiwhatu i Aotearoa nei, otira, i te ao nei, e kaingakau ana ki te whatu pari, tipare, taatua hoki mo te tokomaha o nga kaihaka.

Advertising